കൊച്ചി: ഗോദ്റെജ് ഗ്രൂപ്പിന്‍റെ മുന്നിര കമ്പനിയായ ഗോദ്റെജ് & ബോയ്സിന് കീഴിലെ ഗോദ്റെജ് സെക്യൂരിറ്റി സൊല്യൂഷന്‍സ്, അതിനൂതന സാങ്കേതിക ഉൽപ്പന്നമായ ഇലക്ട്രോണിക് കീ മാനേജ്മെന്‍റ് സിസ്റ്റം (കെഎംഎസ് – godrej electronic key) അവതരിപ്പിച്ചു. ആളുകൾക്ക് പരമ്പരാഗത യന്ത്രനിർമിത താക്കോലുകളിലേക്കുള്ള പ്രവേശനം സുരക്ഷിതമായി കൈകാര്യം ചെയ്യാൻ ആർഎഫ്ഐയുടെ ഒരു നൂതന ആപ്ലിക്കേഷനുമായി സംയോജിപ്പിച്ചിട്ടുള്ളതാണ് ഈ ഉൽപ്പന്നം.
2023ഓടെ ഇന്ത്യയിലെ വ്യവസായ മേഖലകളിലുടനീളം വിപണി വിഹിതത്തിന്‍റെ 60 ശതമാനം സ്വന്തമാക്കാനാവുമെന്നാണ് കമ്പനിയുടെ പ്രതീക്ഷ. അതുവഴി ഓരോ വർഷവും 200ലധികം യൂനിറ്റുകളുടെ വിൽപ്പനയും ലക്ഷ്യമിടുന്നു. ഓഫീസുകളും മാളുകളും മറ്റു വാണിജ്യ സ്ഥാപനങ്ങളും പൂർണമായും പ്രവർത്തനക്ഷമമായതിനാൽ, കേന്ദ്രീകൃതവും ശക്തവുമായ എന്‍റര്പ്രൈസ് കീ മാനേജ്മെന്‍റ് സംവിധാനത്തിന്‍റെ ആവശ്യകതയും ഇപ്പോൾ വർധിക്കുന്നുണ്ട്.
താക്കോലുകൾ കൈകാര്യം ചെയ്തും നിർണായക മേഖലകളിലേക്ക് പ്രവേശനം നിയന്ത്രിച്ചും അവരുടെ സുരക്ഷാ അടിസ്ഥാന സൗകര്യങ്ങൾ മെച്ചപ്പെടുത്താൻ, വലിയ വാണിജ്യ സ്ഥാപനങ്ങൾക്കും തന്ത്രപ്രധാനമായ കെട്ടിടങ്ങൾക്കും ഗോദ്റെജ് കെഎംഎസ് (godrej electronic key) ഒരു മികച്ച മുതൽക്കൂട്ടാണെന്ന് തെളിയിക്കുമെന്ന് ഗോദ്റെജ് സെക്യൂരിറ്റി സൊല്യൂഷൻസ് മാർക്കറ്റിങ് ആൻഡ് സെയിൽസ് വൈസ് പ്രസിഡന്‍റ് ഗ്ലോബൽ ഹെഡ് പുഷ്കർ ഗോഖലെ പറഞ്ഞു.
(This story is published from a syndicated feed)