രണ്ടാം തലമുറ ‘സെലേറിയോ’യെ മാരുതി സുസുക്കി അവതരിപ്പിച്ചു : വില 4.99 ലക്ഷം മുതൽ

ഇന്ത്യയിലെ ഏറ്റവും വലിയ കാർ നിർമ്മാതാക്കളായ മാരുതി സുസുക്കിയുടെ ( Maruti Suzuki ) നിരയിലെ ജനപ്രിയ മോഡലുകളിലൊന്നായ സെലേറിയോയുടെ രണ്ടാം ജനറേഷൻ പതിപ്പിനെ ( second generation celerio ) കമ്പനി പുറത്തിറക്കി. രാജ്യത്തെ ഏറ്റവും കൂടുതൽ ഇന്ധനക്ഷമതയുള്ള കാർ എന്ന ഖ്യാതിയോടെയാണ് പുതിയ സെലേറിയോയുടെ വരവ്. 26.68 കിലോമീറ്ററാണ് നിർമാതാക്കൾ വാഗ്ദാനം ചെയ്യുന്നത്. 4.99 ലക്ഷം രൂപ (ex-showroom, Delhi) വിലയുള്ള ഈ കാറിൻെറ ബുക്കിംഗ് ഔദ്യോഗികമായി ആരംഭിച്ചിട്ടുണ്ട്. 11,000 രൂപ മുടക്കി ബുക്ക് ചെയ്യാം.

Hertect പ്ലാറ്റ്​ഫോമിലാണ് പുതിയ സെലേറിയോ നിർമ്മിച്ചെടുത്തിട്ടുള്ളത്. പഴയ മോഡലിനെക്കാളും നീളവും വീതിയും വർധിച്ചിട്ടുണ്ട്. ഇപ്പോൾ 3695 മില്ലീമീറ്റർ നീളവും 1655 മില്ലീമീറ്റർ വീതിയുമാണ് കാറിനുള്ളത്. 170 മില്ലീമീറ്ററിന്റെ ഗ്രൗണ്ട് ക്ലിയറൻസും ( ground clearance ) കമ്പനി വാഗ്ദാനം ചെയ്യുന്നു.

നാല് വേരിയന്റുകളിൽ ആറ് നിറങ്ങളിലായാണ് 2021 മോഡൽ സെ​ലേറിയോ വിപണിയിലെത്തിയിട്ടുള്ളത് ( colors – Speedy blue, Glistening grey, Artic white, Silky silver, Solid fire red, Caffeine brown ).

ഹ്യുണ്ടായ് സാൻട്രോ ( Hyundai Santro ), ടാറ്റ ടിയാഗോ ( Tata Tiago ) എന്നിവരാണ് മുഖ്യ എതിരാളികൾ.

second generation celerio

കാഴ്ചയിലും സൗകര്യങ്ങളിലും നിരവധി മാറ്റങ്ങളുമായാണ് സെലേറിയോ പുറത്തിറങ്ങിയിട്ടുള്ളത്. പുതുക്കിയ ഗ്രിൽ, ഹെഡ്​ലാംപ്, ടെയിൽ ലാംപ്, മുൻ-പിൻ ബമ്പറുകൾ, 15 ഇഞ്ചിന്റെ അലോയ് വീലുകൾ, കറുപ്പ് നിറത്തിലുള്ള പുതിയ ബി-പില്ലർ ( B-pillar ) എന്നീ മാറ്റങ്ങൾകൊണ്ടെല്ലാം ഒരു പുതുമോഡലിന്റെ ലുക്ക്‌ കാഴ്ച്ചയിൽ ഉളവാക്കുന്ന രീതിയിലാണ് മാരുതി സുസുക്കി ഈ കാറിനെ ഒരുക്കിയിട്ടുള്ളത്.

ഇന്‍റീരിയറിലും കാര്യമായ മാറ്റങ്ങൾ വരുത്തിയിട്ടുണ്ട്. 7 ഇഞ്ചിന്‍റെ ഇൻഫോടൈൻമെന്‍റ്​ ഡിസ്പ്ലേ ( infotainment display ) അടങ്ങുന്ന പുതിയ ഡാഷ്ബോർഡാണ് ഉൾവശത്തെ ഹൈലൈറ്റ്. ഉയരം ക്രമീകരിക്കാവുന്ന ഡ്രൈവർ സീറ്റ്‌, smart play connectivity, steering-mounted controls, മുൻനിരയിൽ പവർ വിൻഡോകൾ ( power windows ), ചതുരാകൃതിയിലുള്ള എസി വെന്‍റുകൾ, smart key / key less entry, എൻജിൻ സ്റ്റാർട്ട്‌ – സ്റ്റോപ്പ്‌ ബട്ടൺ, പുതിയ AMT ലിവർ എന്നിവയും ഇന്റീരിയറിലെ മാറ്റങ്ങളിൽ ഉൾപ്പെടുന്നു.

സുരക്ഷയുടെ കാര്യമെടുത്താൽ രണ്ട് എയർ ബാഗുകൾ, എബിഎസ് ( ABS – Anti lock Breaking System ), ഇബിഡി ( EBD – Electronic Break Distribution ), റിയർ പാർക്കിംഗ് സെൻസറുകൾ, സീറ്റ്‌ ബെൽറ്റ്‌ റിമൈൻഡർ ( seat-belt reminder ), സ്പീഡ് അലേർട്ട്, ഹിൽ സ്റ്റാർട്ട്‌ അസ്സിസ്റ്റ്‌ തുടങ്ങിയ സംവിധാങ്ങൾ ഒരുക്കിയിട്ടുണ്ട്.

എൻജിൻ & ട്രാൻസ്‌മിഷൻ

2021 പതിപ്പ് സെലേറിയോക്ക് കരുത്ത് പകരുന്നത് 1 ലിറ്റർ പെട്രോൾ എൻജിനാണ് ( 3 cylinder, 1 ltr petrol engine ). 66 ബിഎച്ച്​പിയാണ് കൂടിയ കരുത്ത്. 89 ന്യൂട്ടൺ മീറ്റർ വരെ ടോർക്കും ഈ എൻജിന് ഉൽപാദിപ്പിക്കാനാവും. ഇന്ധനക്ഷമത വർധിപ്പിക്കാൻ സഹായിക്കുന്ന ഐഡിൽ സ്റ്റാർട്ട്‌-സ്റ്റോപ്പ്‌ സംവിധാനവും ( idle start-stop system ) പുതിയ സെലേറിയോയിലുണ്ട്.

5-speed manual, 5-speed AMT എന്നീ രണ്ട് ട്രാൻസ്‌മിഷൻ വകഭേദങ്ങളിലായാണ് സെലേറിയോ എത്തിയിട്ടുള്ളത്. കാറിന്‍റെ CNG ( Compressed Natural Gas ) വേരിയൻറ്​ കൂടി വിപണിയിലെത്തിക്കുന്നതിന്‍റെ അവസാനഘട്ട ശ്രമത്തിലാണ് നിർമാതാക്കൾ.

For booking : https://www.marutisuzuki.com/celerio