കൊച്ചി: പ്രമുഖ ടെലികോം ഓപ്പറേറ്ററായ വോഡഫോണ്‍ ഐഡിയ (vodafone idea – vi) പോക്കറ്റില്‍ കൊണ്ടുനടക്കാവുന്ന വൈഫൈ ഡിവൈസ് ആയ വി മൈഫൈ ( Vi Mi-Fi ) അവതരിപ്പിച്ചു. വി മൈഫൈ പത്ത് ഉപകരണങ്ങളെ വരെ ബന്ധിപ്പിക്കുകയും 150 എംബിപിഎസ് വരെ വേഗത ലഭ്യമാക്കുകയും ചെയ്യും. വിപണിയിലെത്തിച്ച ഈ പുതിയ ഉൽപ്പന്നം വഴി മലയാളികൾക്ക് യാത്രക്കിടയില്‍ അതിവേഗ വൈഫൈ ആസ്വദിക്കാനാവും.
കനം കുറഞ്ഞതും ചെറുതുമായ Vi Mi-Fi റീചാര്‍ജു ചെയ്യാവുന്ന 2700 എംഎഎച്ച് ഇന്‍ബില്‍ഡ് ബാറ്ററിയുമായാണ് എത്തുന്നത്. ഒരൊറ്റ ചാര്‍ജിലൂടെ അഞ്ചു മണിക്കൂര്‍ വരെ തടസ്സമില്ലാത്ത കണക്ടിവിറ്റി ലഭ്യമാക്കും.
നികുതികള്‍ ഉള്‍പ്പെടെ 2000 രൂപ വിലയുള്ള ഈ മൈഫൈ ഡിവൈസ് വി ഫാമിലി പോസ്റ്റ്പെയ്ഡ് പ്ലാനിനോടൊപ്പം ഒരു ആഡ് ഓണ്‍ കണക്ഷനായി വാങ്ങാം. വി ഫാമിലിയില്‍ അംഗങ്ങളെ കൂട്ടിച്ചേര്‍ക്കുന്നതുപോലെ വി മൈഫൈയിൽ കൂട്ടിച്ചേര്‍ക്കാനുമാവും.
ഇതുവഴി എല്ലാ നമ്പറുകള്‍ക്കും ഒരൊറ്റ ബില്‍ എന്ന സൗകര്യം ആസ്വദിക്കാം. വി മൈഫൈ 399 രൂപ മുതലുള്ള വ്യക്തിഗത പോസ്റ്റ്പെയ്ഡ് പ്ലാനുകള്‍ക്കൊപ്പവും ലഭ്യമാണ്. കൊച്ചിയിലെ തെരഞ്ഞെടുത്ത സ്റ്റോറുകളില്‍ വി മൈഫൈ ലഭ്യമാകും.
(This story is published from a syndicated feed)